SHILLONG: COVID-19 sae sianggipa mandeko gopanio bak ra·giparang an·tangtangko sal 10-na gipinoni chel·e dongna nangjawa ine Deputy Chief Minister, Prestone Tynsong Mongolobaro aganaha.
Indake “manggisiko gopanio ba so·anio bak ra·gipa sak 15-oni jemangan positive ong·a uamangsan jinmaoni ma·eke dongna nangaigen,” Pa Tynsong koborni manderangna aganaha.
COVID-19 sae sianggipa manderangko gopani ba so·anio bakko ra·gipa manderangni kosako, manderangni gisepo ma·sisretgrikanirang ong·enga ineba ua aganaha.
“Anga iako maina aganenga, COVID man·e sianggipa nokdangni manderang, jemangan uamangni ka·sagiminko gimaatahachim, bon·kame mandera·aniko dakrikanio uamangna niamrangko raken on·aha aroba PPE-rangkoba on·a,” Deputy Chief Minister aganaha.
Indake health department-ni on·gimin niamrangko namedake ja·rikgenba, COVID man·e sianggipa manderangko gopanio ba bon·kame mandera·aniko dakatanio, nokdangni manderang bak ra·na man·aia ineba Pa Tynsong talataniko on·aha.
Manggisiko gopanio, manderangni bak ra·aniko Sorkari re·anggipa May 15 tariko, sak 20-oniko sak 15-ona ra·onataha ineba nikatna man·a.
COVID-o sigipako gopao bak ra·oba +ve ong·jaode ma·eke dongna nangjawa
Date:
Share post:
