TURA: Bristibar salo, Tura-ni MP Agatha K Sangma, South Garo Hills a·jaona re·angenba, COVID-19-ni obostarangko nipilangaha aro a·jao COVID-19-ko warachakna gita pilak nanga dakchakanirangko on·na ku·rachakaniko on·angaha.
Ia tom·anio Rongara-Siju-ni MLA Rakkam A Sangma, NPP-ni gitcham MLA Satto R Marak aro South Garo Hills a·jani dingtang dingtang official-rangba dongpae bakko ra·angaha.
South Garo Hills a·jao COVID-19-ni giproroaniko champengna rake kamrangko ka·engani gimin district administration aro health department-ni official-rangko mittelpilangengon, songni nokni manderangna COVID-19-ko chel·chakani bidingo mikrakatanirangko on·na sorkari nangnikbatenga ine Sangma aganangenba, sabisini giproroani bidingo manderangna mikrakataniko on·jaskalde ia sabisini giproroaniko maming dakeba champengna man·jawa ine mikrakataniko on·angaha.
Manderangna COVID-19-ni bidingo mikrakataniko on·na nangengani gimin aganangengon, hospital-rang chu·onga gita donggenchimoba manderang bakrimaniko on·jagenchimode maming dakeba chu·ongjawa ine Tura-ni MP parakataha.
“Manderang bakrimaniko on·jagenchimode an·ching ia sabisini giproroaniko champengna man·jawa. COVID-ni giproroaniko champengna dongimin niamrang, jekai mask-rangko ganjringani, jakrangko rongtale rakkiani aro saksa sakgipinoni chel·tanggrike dongna nangani bidingo manderangna mikrakataniko on·na man·genchimosa an·ching ia obostako chel·chakna man·aigen,” ine Sangma aganaha.
Ia tom·anio South Garo Hills a·jani Deputy Commissioner SF Hamid-ba COVID-ko warachakna ja·ku de·anirangko Tura-ni MP-na talate on·angengon, Dimapara, Sangknigre, Nengja aro Moheshkola-o check gate-rangko donataha ine parakataha.
Ia tom·ani ja·mano Tura-ni MP Agatha Sangma, Baghmara Civil Hospital aro Baghmara Corona care centre-ona re·ange kam ka·giparang aro sannaniko ra·enggipa manderang baksa agangrikjolangaha.
SGH-o COVID-ko warachakanio dakchakanirangko on·na Tura-ni MP ku·rachaka
Date:
Share post:
