TURA: West Garo Hills a·ja gimikon COVID-19-ni batrikrikaniko champengna gita chu·gimik curfew-ko re·baenggipa June 1 tarikona ra·gatahani songni nokni manderang aro mongsongbate game ge·e cha·enggipa manderang kamrangko ka·na man·jae neng·nikanirangko chagrongna nangtokengani gimin songo noko matchu matte jila kaani baksana gama ge·ani pilak kamrangkon ka·na man·gen ine West Garo Hills a·jani Deputy Commissioner Ram Singh u·iataha.
Gama ge·ani kamrangko ka·engon, gipin biaprangoni kam ka·giparangko rimbae kam ka·atna man·jawa aro jinma kamko ka·engon, COVID-19-ko warachakna dongimin niamrangko raken ja·rikna nanggen ine Deputy Commissioner u·iataha.
Iani bidingo kamrangko niroke block-tangtangni block development officer-rang baksa kamko ka·china gita agriculture development officer-rang, horticulture development officer-rang aro veterinary extension officer-rangko ge·etangengon, dongimin niamrangko manijaenga ine nikgenchimode ia ge·etaniko ra·pilna nangao ga·akgen ine Deputy Commissioner parakataha.
