TURA: Re·baenggipa June-ni 5 tariko World Environment Day-ko manina siengani gimin ia salko maniani bak gita Robibar salo, Garo Hills-o donako man·enggipa Border Security Force (BSF)-ni sipairang, Forest department-ni on·atgipa pang 1000 bol chararangko BSF campus-ni wilwilao ge·angaha.
Bol ge·aniko SHQ BSF Tura-ni DIG Sooryakant Sharma baksana 75 Bn BSF-ni Commandant Sukumar Pattnaik aro 55 Bn BSF-ni Commandant Karuna Nidhi Tripathi dakdilangaha aro uamang BSF-ni sak 300 sipairang baksa dingtang dingtang rokomni bolrangko BSF campus-ni wilwilao ge·angtokaha.
Samtangtangko ripinge rakkina aro mongsongbate chiring chibisikrangko tange rakkian baksana a·arangni ruronganiko chel·chakna gita bolrangko ge·angaha ine BSF official-rang parakataha.
