TURA: South West Garo Hills a·jaoba COVID-19-ko man·giparang salantian batrorobaengahani gimin sabisini batrikrikaniko champengna gita district administration, June 1 tarik pring 5:00 bajioni re·baenggipa June 7 tarik pring 5:00 bajiona chu·gimik curfew-ko ra·gataha ine u·iataha.
South West Garo Hills a·jao COVID-ni giproroaniko champengna kamrangko ka·engoba sabisi man·giparang salantian batrorobaengani gimin district administration, sabisini giproroaniko champengna chu·gimik curfew-ko ra·gatangaha ine u·iataha.
Curfew-ni somoio nangchongmotgipa dokkanrang aro sam dokkanrangna agrede gipin dokkanrangko kulina man·jawa aro gari gorarangba nangchongmotgipa bosturangko salruraenggipa garirang, sanna banani kamrangko ka·enggiparang aro gipin nangchongmotgipa kamrangko ka·enggiparangna agrede re·rurana man·jawa.
Bia ka·ani ba mande sianirango skang district administration-oniko permission ra·chengna nanggen indiba sak 10-na bate manderang tom·chimongna man·jawa ine South West Garo Hills a·jani official-rang u·iataha.
Curfew-ni somoio bank aro sorkari office-rangko kulina man·gen indiba mask gangijagipa manderangde office-rangchi napna man·jawa.
Curfew-ni somoio bostu salruragipa garirang, medical, police, civil defence & home guards, fire & emergency service, MeECL, PHE, agriculture aro veterinary, municipal, PWD, NHAI, FCI, petrol, diesel, LPG, press aro uandakgipa nangchongmotgipa manderangni re·ruraanikode champengani dongjawa ineba u·iataha.