SHILLONG: Meghalayao ia anti a·bachengaonin, COVID man·dapgiparangna batede COVID-oni nampilgiparangan salantian bang·batengaha, indakogipa COVID man·e sianggiparang salantian uanbaibai gita dakengkuha, jeon mijal salni bakoba sak 14 manderang COVID man·e siangtaiaha.
Mijal salni bako a·dok gimiko sak 467 manderang COVID man·daptaiaha, uamangoni
East Khasi Hills-o sak 257, Ri-Bhoio sak 67, West Garo Hills-o sak 36, South West Khasi Hills-o sak 29, West Jaintia Hills-o sak 22, South West Garo Hills-o sak 19, East Jaintia Hills-o sak 12, West Khasi Hills-o sak 10, North Garo Hills-o sak 8, South Garo Hills-o sak 4 aro East Garo hills-oni sak 3.
Unomitingo ia apsan somoion gimikchi sak 760 manderang COVID-oni nampilaha. Uamangoni, East Khasi Hills-o sak 431, Ri-Bhoio sak 162, West Garo Hills-o sak 61, West Jaintia Hills-o sak 29, South West Garo Hills-o sak 23, North Garo Hills-o sak 19, East Jaintia Hills-o sak 14, West Khasi Hills-o sak 10, East Garo hills-oni sak 8 aro South West Khasi Hills-oni sak 3 manderang sabisioni nampilaha.
Indake ong·genchimoba, mijalo sak 14 manderang siangtaiaha, uamangoni East Khasi Hills-o sak 12, South West Khasi Hills-o saksa aro East Jaintia Hills-oni saksa.
Meghalaya a·doko COVID sabisiko man·giparang mijalona sak 36,065 gapahachim, uamangoni sak 28,867 manderang sabisioni nampilaha, sak 592 manderang sabisio siangaha aro COVID man·e dongenggiparang da·oba sak 6,6o6 dongengkua.
