Wednesday, July 16, 2025
spot_img

Koela a·kolo a·sel ong·anio jak donggipa manderangni kosako raka ja·kuko de·gen: Rymbui

Date:

Share post:

spot_imgspot_img

SHILLONG: Re·anggipa Robibar attamo East Jaintia Hills a·jani koela a·kol damsao mande sakbonga gimataina nangahani gimin ia a·selni bidingo police-rang am·sandienba, dos donggipa pilak manderangni kosako nanga gita ja·kurangko de·anggen ine Mongolbar salo a·dokni Home Minister Lahkmen Rymbui parakataha.

Re·anggipa Robibar attamo East Jaintia Hills a·jani Sutnga Elaka-o mande sakbonga koela a·damo gimaahachim aro ia a·selni bidingo name ma·sina gita magisterial inquiry-ko dakchina a·dok sorkari ge·etangaha.

Ia a·sel ong·gipani bidingo an·tangni suk ong·gijaniko parakatengon, ian a·doko niam gri koela bikotaniko mesokani ong·enga aro iako sorkari nie dongjawa ine Home Minister parakataha.

“Ia koela a·kolo a·sel ong·aniara niam gri koela bikotani a·selsa ong·aha aro chinga ia a·sel ong·anio jak donggipa manderangko sandie nanga gita ja·kurangko de·anggen,” ine Rymbui parakataha.

Ia koela a·kolara ramaoni km 3-4-mang chel·aosa ong·ani gimin iandakgipa a·selrangko am·sandianio police-rang neng·nikanirangko chagrongna nangronga ineba Home Minister parakataha.

Ia biaprangko nambate nirok sandina man·na gita Sutnga Elaka-ni Umpleng AD camp-ko police outpost-ona ra·doatna gita police department proposal-ko on·ataha ineba Rymbui parakataha.

Rymbui-ni parakatani gitade, ia koela a·kolo SDRF, Fire brigade aro police-rang, gimagipa manderangko sandina jotton ka·enga indiba chirang tipkujaengani gimin uamang mamingkon dakna man·kujaenga.

spot_imgspot_img

Related articles

VPP demands probe into allocation of protected forest land to MLAs

SHILLONG, July 15: The Voice of the People Party (VPP) has demanded a probe by the Khasi Hills...

Trash-choked rivers cry for help; state govt indifferent

MSPCB flags high contamination in at least 7 major rivers in M’laya SHILLONG, July 15: Despite repeated assurances, public...

AMMSU NH-127B ba AMPT ramako ta·raken tarichina Add. Chief Engineer NHA Tura Division-ko mol·mola

TURA: Phulbari Rajabala NH-127B rama namsrangjaenganina All Meghalaya Minorities Student Union (AMMSU) Additional Chief Engineer NHA Tura Division-na...