SHILLONG: North Tura-ni MLA Thomas A Sangma-ni kosako matnanganirang kakket ong·a ine kacharioni raiko on·kujaskal darangba kachari gita raiko on·jachina ine Bristibar salo, NPP-ni state president aro a·dokni Rajya Sabha MP WR Kharlukhi parakataha.
“Uni kosako matnanganirangkosan dakengkua aro matnanganirangkode name am·sandichenggija darangba kakket ine aganna man·ja. Uni gimin uni kosako matnanganirangko am·sandichengchina aro niamo pangchake ja·kurangko de·china,” ine NPP-ni state president parakataha.
Ian ua an·tangni kamsa ong·aia aro niamo pangchake uni kosako ja·kurangko de·anggen ine opposition Congress dolni dilgipa Mukul Sangma-ni agangipa kattarangnaba ua chakpaaniko parakataha.
Assembly committee-rangoniko Thomas-ko ra·galchina didie Congress MLA aro Assembly women empowerment committee-ni chairperson Ampareen Lyngdoh-ni, Assembly-ni Speaker-na sedoatgipani bidingo janapatengon, “Uko kacharian dosi gnang ine raiko on·kujaenga ong·ode maikai uko kamtangoniko ra·galchina dabina man·a? Iano politics-ni jak donga ine anga an·tangde chanchichipenga,” ine NPP-ni state president parakataha.
Kacharina agre darangba mandeni kosako raiko on·na bil dongja ine janapatengon, “An·ching darangba kakketko ma·sija maina uni kosako da·o dipet matnanganirangkosan dakengpiti. Mamingkoba ma·sichenggijade an·ching darangba matnangna man·ja,” ine Kharlukhi parakataha.
Sangma-ni kosako matnanganirangko jakgitele am·sandina sorkari on·aigen aro kakketko ma·siahaon niam gita uni kosako ja·kurangko de·china ineba Kharlukhi parakataha.
North Tura MLA-ni kosako mokordoma ka·aniko East Khasi Hills a·jani police-rang segate, am·sandina a·bachengengaha ine kobor on·timgiparang u·iataha.
Bia ka·na ku·rachakenba, changni chang drae til·ekaha ine North Tura-ni MLA-ko matnangenba me·chik saksa uni kosako FIR ka·doangahachim.
Kachari raiko on·kujaskal darangba kachari gita raiko on·jachina: Kharlukhi
Date:
Share post:
