SHILLONG: Bristibar saloni Sukrobar salona konta 24-ni gisepon Meghalaya a·dok gimiko sak 808 manderang COVID-19-oni nampilna man·aha indiba ia apsan salon sak 584 manderang COVID-19 man·dapskaaha.
Sukrobar salo COVID-19 man·dapgipa sak 584 manderangko channe da·o Meghalaya a·dok gimiko COVID-19 man·e dongenggiparang gimik sak 6110 gapaha aro apsan salon sak 18 manderang COVID-19 man·e siangdapahani gimin a·dok gimiko COVID man·e sianggiparangara gimik sak 643 gapskaengaha.
Sukrobar salo positive ong·gipa sak 584 manderangoni sak 13-de East Garo Hills-o, sak 42-de East Jaintia Hills-o, sak 240-de East Khasi Hills-o, sak 8-de North Garo Hills-o, sak 43-de Ri Bhoi a·jao, sak 8-de South Garo Hills-o, sak 16-de South West Garo Hills-o, sak 27-de South West Khasi Hills-o, sak 55-de West Garo Hills-o, sak 21-de West Khasi Hills-o aro sak 111-de West Jaintia Hills a·jao ong·a.
Konta 24-ni gisepo COVID man·e sianggipa sak 18 manderangoni sak 9-de East Khasi Hills-o, sak 4-de West Jaintia Hills-o, sak 1-de South West Garo Hills-o, sak 1-de West Khasi Hills-o, sak 1-de Ri Bhoi a·jao aro sak 2-de West Garo Hills a·jao ong·skaa.
Ia apsan salon gimik sak 808 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 30980 gapskaengaha.
M’laya-o sak 808 manderang COVID-oni nampila, sak 584 man·dapskaa
Date:
Share post:
