SHILLONG: Meghalaya Energy Corporation Limited (MeECL)-ni Jaintia Hills Distribution Circle-ko chalaina gita private company-rangna pakwate on·na miksonganiko Jaintia Hills-ni MLA saksni jegaltokengon, ia MLA-rang sorkarini kamko jegalbebeenga ong·ode Cabinet-ni tom·aniosa jegalgrimna nanga ine Opposition MLA-rang aganskaaha.
Sorkarini kamko jegalenggipa saksni MLA-rangoni sakgittamde, chong·motan Sniawbhalang Dhar, Kyrmen Shylla aro Lahkmen Rymbui-de Cabinet minister-rangan ong·achim ine nikna man·a.
Indake ong·engon, MeECL-ni Jaintia Hills Distribution Circle-ko private company-rangna pakwate on·na miksongenganiko ia MLA-rang jegalbebeenga ong·ode MLA saksnioni sakgittamde Cabinet-ni membor-rangan ong·ani gimin uamang Cabinet-on iako jegalna nambatgipa chol ong·gen ine Opposition dolni mitam MLA-rang parakataha.
“Uamang iani bidingo sorkarini kamko jegalbebeenga ong·ode Cabinet-osa jegalna nanga ong·jaode uamangni kamko dakmika gitasan manderang nikaigen,” ine Opposition MLA-rang aganaha.
Cabinet minister sakgittam baksana sorkarini kamko jegalenggipa Jaintia Hills-ni gipin MLA-rangara, Nujorki Sungoh, Comingone Ymbon aro Wailadmiki Shylla-ba ong·achim aro uamang pilakan NPP-chi dilenggipa MDA sorkario bakrimengachim ine nikna man·a.
Iamangna agreba sorkarini kamko Congress dolni MLA Shitlang Pale-ba jegalengachim.
Indake ong·engon, MeECL-ni distribution circle-rangko gipin a·dokni company-rangna sorkarini on·skana manchiengani gimin Mongolbar salo Congress Legislature Party (CLP) tom·e chanchirimangnaba gnang ine kobor on·aha.
MeECL-ko Pvt. Com.-na on·ako jegalode Cab-ni mikkangosa jegalbo: Opp
Date:
Share post:
