Shillong MP, a·dokni game cha·giparangna dakchakchina PM-ko mol·molata

SHILLONG: Meghalaya a·doko game sue cha·gipa manderangna, ia sabisi sajinmani somoio, uamangni nokdangrangko chalaina man·na gita chu·onga gita tangka paisarangko on·e dakchakatchina ine, Prime Minister-ni Office-na an·tangan didiataniko dakchina mol·molenba Shillongni Congress MP, Vincent H Pala, Prime Minister Narendra Modi-na chitti seataha.
Meghalayao 85 percent-nan game ge·e cha·giparang ong·a. Unigisepon, a·doko 8967 game cha·giparangsan ma·mongni flagship program- PM-Kisan Scheme-ni namgniko man·aiode, uan a·dokni game cha·giparangna India sorkarini kakket dakgijani ong·chongmota Congress Lok Sabha membor uni chittio janapataha aro apsan chittini copy-kon Meghalaya Chief Minister Conrad K Sangmanaba watataha.
Indake Meghalayao game cha·giparangna aro hajira ka·e cha·giparangna tangka paisachi dakchakaniko baridapatchina gitaba Pal, PM Modi-ko mol·molataha.
A·songni kror 9.5 game cha·giparangna dingtangmancha dakchakaniko on·na gita Ma·mong Tg. kror 20,000-ko Prime Minister Kisan Scheme-oni chamataha. Indake datao man·ani gita, Meghalayaode sak 8967 game cha·giparangsan scheme-ni namgniko man·aha, jemangan installment dake Tg. 2000-ko man·enga aro a·dok gimikchi Tg. 1,79,34,000-ko man·soaha, jean Salgro Salaram a·dok gimikni gisepo komibatgipa ong·enga, Pala aganaha.

Get real time updates directly on your device, subscribe now.

Comments are closed.