COVID-19: Sak 603 man·dapa, sak 427 nampila

SHILLONG: Meghalayao mijal salni bako COVID-oni nampilgiparangna bate sabisi man·giparang bang·battaiaha, jeon sak 603 manderang COVID man·dapaha aro sak 427 manderang COVID-oni nampilaha aroba sak 10 manderang siangdpaha.
Batanggimin konta 24-ni gisepo a·doko sak 603 COVID man·dagiparangoni EKH-o sak 226, WJH-o sak 74, WGH-o sak 63, SWKH-o sak 62, WKH-o sak 32, EGH-o sak 29, NGH-o sak 28, EJH-o sak 26, Ri-Bhoio sak 26, SGH-o sak 24 aro SWGH-oni sak 14.
Unomitingo ia apsan somoion sak 427 manderang COVID-oni nampiltokaha, uamangoni EKH-o sak 210, SWKH-o sak 80, Ri-Bhoio sak 67, WJH-o sak 19, WGH-o sak 13, NGH-o sak 9, SWGH-o sak 9, EJH-o sak 8, EGH-o sak 5, WKH-o sak 4 aro SGH-oni sak 3 manderang COVID-oni nampilaha.
Mijal salni bako Meghalayao sak 10 manderang COVID man·e siangtaiaha, uamangoni sak 6 East Garo Hills-oni, sakgni East Jaintia Hills-oni aro sak 2 West Jaintia Hills-oni ong·a.
Meghalaya a·doko COVID sabisiko man·giparang mijalona gimikchide sak 40,586 ong·ahachim, uamangoni sak 34,867 manderang COVID-oni nampilaha, sak 704 manderang sabisio uamangni janggirangko gimaataha, A·doko da·oba sak 5,015 manderang COVID man·e dongkuenga.

Get real time updates directly on your device, subscribe now.

Comments are closed.