Shillong: Sonibar salo sak 585 covid sagiparang nampilaha. Indiba sak 514 covid sagiparang man·dapskaha. Indake covid sae siako niatgenchimode, gipin salrangna baten komiako nikna man·aha. Sakbonga manderangsan siaha. Sianggipa sakbongani sak East Khasi Hills-o sak 2 aro South West Garo Hills, West Jaintia Hills, West Garo Hills-oni sakprak ong·a. Saa man·dapgipa sak 514-oni East Khasi Hills-oni sak 163, West Jaintia Hills-115, West Garo Hills- 63, Ri-Bhoi- 57, East Garo Hills-32, South Garo Hills-22, South West Garo Hills-19, North Garo Hills-15, South West Khasi Hills-12, East Jaintia Hills-8, West Khasi Hills-oni sak 8 ong·a. Uandake saa nampilgipa sak 585-oni sak 240 EKH-oni ong·a. WGH-75, WJH-74, SWGH-37, NGH-32, EGH-28, Ri-Bhoi-28, SWKH-23, SGH-15, EJH-oni sak 9. Indake a·doko covid sae dongenggiparang sak 4,743 dongkuenga. Saa nampilgipa chu·gimik 39,377 gapaha. Aro sak 5 sidape, covid sae sianggipa chu·gimik sak 776 gapengjok.
