TURA: Da·al Budbar salni bako, bilsi 18 batgimin manderangna South West Garo Hills a·jani dingtang dingtang biaprango tikarangko su·na gita mass vaccination drive-ko ong·atenga ine official-rang kobor on·aha.
Official-rangni u·iatani gitade, tikarangko Rangsakona PHC, Betasing PHC, Zikzak PHC, Garobadha PHC, Nogorpara PHC, Kalaichar PHC, Mellim PHC, Belbari PHC aro Mahendraganj CHC-ni ning·o donggipa dingtang dingtang skul nok, Anganwadi centre aro community hall-rango su·na gita biaprangko donatmanaha aro ia dingtang dingtang PHC aro CHC-ni ning·o songdongenggipa manderang, an·tangtangni sepangbatgipa centre-rangona re·ange tikarangko su·e ra·angna man·gen.