TURA: South Garo Hills a·jani CAU KVK-ni gita salgittamna online program-ko ong·atenga aro ia program-ko Bristibar salo Imphal CAU-ni ning·o donggipa Extension Education-ni Director Prof Ph Ranjit Sharma a·bachengate on·angaha.
Ia online program-ko Bristibar saloni Sonibar salona ong·atenga.
Skanggipa salo, Climate Resilient Agriculture-ni gimin SMS (Agronomy) Rike CA Sangma, Protected Cultivation-ni gimin SMS (Horticulture) Basu Langpoklakpam aro Production Technologies of Trichoderma-ni gimin Dr Tanya R Marak (Plant Protection), program-o bak ra·giparangna agan-talate on·angaha.
Ia program-ko ong·atanio South, West aro South West Garo Hills a·jani ning·o donggipa Meghalaya sorkarini agency-rang, jekai ATMA, MSRLS aro uandakgipa agency-rangni sak 25 field officer-rang bakko ra·enga.
Gnigipa sal, chong·motan Sukrobar salo, Farm Mechanisation-ni gimin SMS (Agri Engg) B Ningthoujam, Advances in Piggery Management-ni gimin SMS (Livestock Production) Dr Rupam Bhattacharya aro Recent Trends in Aquaculture-ni gimin SMS (Fisheries) Thongam Monika Devi, agan-talate on·angskagen ine u·iataha.
