TURA: North Garo Hills a·jao dingtang dingtang skulni skigiparangna COVID-19 aro COVID tikarangni bidingo agan-talate on·na gita re·baenggipa July-ni 8 tariko sensitization program-ko damgittam biaprango ong·atenga ine North Garo Hills a·jani Deputy Commissioner RP Marak u·iataha.
Ia sensitization program-ko Resubelpara block-ni ning·o skigiparangna Mendipathar Multipurpose Cooperative Hall-o, Bajengdoba block-ni ning·o skigiparangna Upper Bajengdoba Community Hall-o aro Kharkutta Block-ni ning·o skigiparangna Rajasimla Multi Facility building-o ong·atenga ineba u·iataha.
Indake ong·engon, ia sensitization program-ona re·bae bakko ra·echina gita North Garo Hills a·jani district administration, North Garo Hills a·jani pilak skigiparangkon didiataha.
