SHILLONG: Bebegita Meghalaya BJP unit-ni president songode, uamangni party mikkang 2023 Assembly election-o name dakna man·gen ine mitam party dilgiparang chanchitokenga ine BJP-ni a·gipi MLA, Alexander Laloo Hek Sombaro aganaha.
“Ian chingni mitam party dilgiparangni chanchianisan ong·a. Bebegitaba party-ni ma·mong dilgiparang una ia kamko chong·motana party president-ni post-ko on·genchimode anga an·pile katjawa” ine AL Hek mijalo koborni manderangna aganaha, jean NPP-ni re·dilenggipa MDA sorkario, BJP-oni saksa mangmang Cabinet Minister ong·enga.
A·dokni a·dok BJP president Ernest Mawrie-ni kamrangko namniktokjaenba party bang·a dilgiparangan kamtangtangko wate kattokaha ineba BJP MLA aganaha.
“Party-ni gisepo meligrikgijanirangko namatna gita anga an·tangde party-ni a·gipi dilgiparangni gisepo chanchirimaniko nangnikenga. Aro iako seng·gnangen dakna nanga ga·akenga, maina Meghalaya Assembly election ong·na indakpilede somoi dongjaengaaha,” Pa Hek aganaha.
Mawrie-ni state president ong·e kam ka·anio maikae nika ine sing·on, Mawrie nama kamkon ka·enga, maina ua pangnan uni kattarangko mediaoniko poraisoronga ine Hek aganaha.
Mawrie-ni agangipa kattarang mitamde ong·a jekon nangrime kam ka·e namatna nangenga, a·gipi BJP dilgipa aganaha.
Re·baenggipa Assembly election-na BJP-ni tarisoanirangni bidingo sing·anina aganchakengon, Prime Minister Narendra Modi-ni dilanio BJP-ni re·dilgipa NDA Sorkarini ning·o namen chu·sokbatna ka·dongsoenga ineba ua aganaha.
“Ian chingni mitam party dilgiparangni chanchianisan ong·a. Bebegitaba party-ni ma·mong dilgiparang una ia kamko chong·motana party president-ni post-ko on·genchimode anga an·pile katjawa” ine AL Hek mijalo koborni manderangna aganaha, jean NPP-ni re·dilenggipa MDA sorkario, BJP-oni saksa mangmang Cabinet Minister ong·enga.
A·dokni a·dok BJP president Ernest Mawrie-ni kamrangko namniktokjaenba party bang·a dilgiparangan kamtangtangko wate kattokaha ineba BJP MLA aganaha.
“Party-ni gisepo meligrikgijanirangko namatna gita anga an·tangde party-ni a·gipi dilgiparangni gisepo chanchirimaniko nangnikenga. Aro iako seng·gnangen dakna nanga ga·akenga, maina Meghalaya Assembly election ong·na indakpilede somoi dongjaengaaha,” Pa Hek aganaha.
Mawrie-ni state president ong·e kam ka·anio maikae nika ine sing·on, Mawrie nama kamkon ka·enga, maina ua pangnan uni kattarangko mediaoniko poraisoronga ine Hek aganaha.
Mawrie-ni agangipa kattarang mitamde ong·a jekon nangrime kam ka·e namatna nangenga, a·gipi BJP dilgipa aganaha.
Re·baenggipa Assembly election-na BJP-ni tarisoanirangni bidingo sing·anina aganchakengon, Prime Minister Narendra Modi-ni dilanio BJP-ni re·dilgipa NDA Sorkarini ning·o namen chu·sokbatna ka·dongsoenga ineba ua aganaha.
