SHILLONG: Haryana a·doko Nagaland-ni A·chik sakgnini sia gimin dingtang dingtang dolrangni kalimataniko dakanirang aro a·sel a·selrangko sandiatchina dabianirang Social mediao gapchipani ja·mano, All India Garo Union (AIGU)-ba apsandake gipin dolrang gitan duko ga·akgipa nokdangni manderangna uamangni kalimpaani kattarangko parakaha.
Duko ga·akgipa nokdangni manderangna kalimpaaniko parakatan baksanaba, uamangna kakket bichalko man·na gita sakgni manderangni siani a·selrangko mikkang niteani grigipa dolko songenba sandirokatchina gitaba AIGU, Meghalaya, Assam, Nagaland, Haryana aro Ma·mong sorkariko mol·molataha.
