SHILLONG: COVID tikani bidingo social media gita manderangna tol·e jangbingbangatgipa mande saksako police-rang rim·aha.
East Khasi Hills a·jani Superintendent of Police (SP) Sylvester Nongtnger-ni parakatani gitade, ia mande COVID-19 tikani bidingo YouTube social media gita manderangna tol·e jangbingbangatahachim aro ia mandeni kosako FIR-ko man·soani ja·man police-rang, ia mandeko rim·aha.
“COVID-19 tikani bidingo manderangna tol·e jangbingbangatahani gimin ia mandeni kosako FIR ka·aniko East Khasi Hills District Police man·soani ja·man police-rang niamo pangchake ia mandeni kosako ja·kurangko de·enga,” ine East Khasi Hills a·jani SP parakataha.
Iandake COVID tikani bidingo manderangna tol·e jangbingbangataniara Disaster Management Act 2005 aro Epidemic Diseases Act 1897-ni ning·o Meghalaya High Court-ni ge·etaniko pe·ani gita ong·aha ineba SP parakataha.
Sadar Police Station-o case-ko register ka·e ia mandeni kosako niam gita police-rang ja·kuko de·enga ineba Nongtnger parakataha.
Social media-rango iandake manderangna tol·e jangbingbangatanirangko dakjachina gitaba ua mikrakataniko on·angaha.
