SHILLONG: Saubhagya Scheme-ni kamrangko ka·na gita gipin biaprangoni contractor-rangna pakwate on·aniko Meghalaya Energy Corporation Limited (MeECL-ni gitcham CMD PS Thangkhiew aro Distribution-ni gitcham Director KN War jegalataha.
Kobor on·timgiparangni Bristibar salo parakatani gitade, batanggimin somoirangoba iandakgipa kamrangko gipin biaprangoni contractor-rangna on·anichi korosrang bata, kamrangko name ka·ja aro kamrangko ka·anio ja·manchakaha ine ia official sakgni nikmanahani gimin Saubhagya Scheme-ko contractor-rangni jako on·jachina nangnikengachim.
Ia Saubhagya Scheme-ko department-ni gita MeECL-ni supplier-rang aro contractor-rangchi a·bachengahachim ineba kobor on·timgiparang parakataha.
MeECL-ni iandakgipa kamrangko MeECL-ni ning·o register ka·gimin supplier aro contractor-rangan ka·na man·aiani gimin ia scheme-ko gipin biaprangoni contractor-rangna on·genchimode indin ong·gramaigen ineba official-rang parakataha.
Ia Saubhagya Scheme-ko Turnkey mode-o chalaiskana gita 2018 bilsini September 26 tariko rang·gitik tender notice-ko on·angahachim ine nikna man·a.
