SHILLONG: Saubhagya scheme-ni tangkako jakkalsreta ine matnanganirangko CBI-chi sandirokatchina gita Sorkarini kosako sin·jetanirang batroroenga, jean NPP-ni re·dilgipa MDA Sorkariko namjabatgipa obostao ga·akatenga.
Saubhagya scheme-ni kror 149 tangkarangko jakkalsreta ine matnanganiko sandirokatchina gita dingtang dingtang pressure group-rang dabiengon, a·dok sorkarini kamrangko nirikkie aganrongenggipa Meghalayani BJP President, Ernest Mawrie-ba matnanganirangko CBI-chi sandiatchina gita Sorkariko aganaha.
A·bachenge audit ka·e man·gipa report-ni bidingo aganengon, Saubhagya scheme-ko jakkalanio cha·bokanirang donga inen uni party a·bachengaonin aganachim, jeon Ma·mongni Power Minister-ba a·doko ia scheme-ko maidake jakkalenga, talataniko bi·atachim, jeni giminan ia scheme-ni bidingo uamang RTI-ba on·pilaha, Ernest Mawrie aganaha.
Mawrie indakeba aganaha je Power department, uamangni skango on·gipa tender-ko ra·galpilaha, jekon ja·mano tangka batate salgittamni gisepon gital dake tender on·taipilaha.
Scheme-ni bidingo ning·tue sandiatgenchimode, tangka jakkalsretani kror 200-nade komijawa aro media-ona joksretanggipa lekkagipa tikan ong·a, Mawrie aganaha.
Unigimin Ma·mongni chamatgipa Scheme-ni tangkarangko jakkalsretaniko CBI sandirokatna nanga ine BJP dilgipa Mawrie aganaha.
BJP-na agreba, HYC, Khasi Students’ Union (KSU), Federation of Khasi Jaintia and Garo People (FKJGP), Hynniewtrep National Youth Front (HNYF) aro Ri-Bhoi Youth Federation (RBYF)-ko man·chape dingtang dingtang pressure group-rang, Saubhagya scheme-ni tangkako jakkalsreta ine matnanganiko CBI-chi sandirokatchina gita dabiahachim.
Get real time updates directly on your device, subscribe now.
Next Post
Comments are closed.