SHILLONG: Batanggimin konta 24-ni gisep Meghalaya a·doko sak 426 manderang COVID-19 sabisiko man·dapaha aro sak 417 manderang sabisioni an·sengpiltokaha, indake ong·genchimoba ia apsan somoini bakon sak 9 manderang ia sabisio uamangni janggirangko gimaataha.
Mijal salni bako COVID man·taigipa sak 426 manderangoni EKH-o sak 129, Ri-Bhoio sak 87, WGH-o sak 73, WJH-o sak 39, WKH-o sak 19, EGH-o sak 18, NGH-o sak 16, EJH-o sak 15, SWKH-o sak 14, SGH-o sak 8 aro sak 8 SWGH-oni ong·a.
Indake ia apsan somoion sak 417 manderang COVID sabisioni nampilskaaha, uamangoni EKH-o sak 170, WGH-o sak 66, NGH-o sak 42, WJH-o sak 39, EGH-o sak 27, EJH-o sak 18, SWGH-o sak 16, WKH-o sak 15, SGH-o sak 10, SWKH-o sak 8 aro Ri-Bhoi district-o sakdok manderang COVID-oni an·sengpiltokaha.
Mijal salni bako a·dokni dingtang dingtang district-rango saksku manderang COVID-o siangtaiaha, uamangoni East Khasi Hills-o sak 5, West Garo Hills-o sak 2, aro West Jaintia Hills aro West Khasi Hills district-rango sakprak siangaha.
Meghalaya a·doko COVID sabisi man·gipa gimikde sak 53,670 ong·aha, uamangoni sak 48,380 manderang sabisioni nampiltokaha, sak 899 siangaha, COVID sagiparang da·o sak 4,391 dongengkua.
