SHILLONG: Saubhagya scheme-ni tangka paisarangko jakkalsretaha ine matnanganirangko CBI-chi sandirokatchina gita sin·jetgiparang bang·oba Meghalaya Chief Minister Conrad Sangma,ia scheme-ni mamlako central investigation agency-chi sandirokataniko dakatna skani dongja gita nikenga.
Matnanganirangko CBI-chi sandirokatchina dabigiparangni bidingo sing·anina aganchakengon, matnanganirangko sandie nichina gita A·dok Sorkari dolsa independent inquiry committee-ko songmanaha, uni ja·mano iako CBI-chi sandirokatna on·taia ong·ode, Committee-ko onchepe ra·a gita ong·aignok, uamangko kamtangko jakgitele ka·na on·na nanga ine Pa Sangma aganaha.
Power Minister James Sangma-ko power-oni ra·galna dabigipa kattarangko jechake aganengon, sandirokaniko ong·bewal gitan jakgitele sandianiko dakgen aro MeECL ge·sa autonomous body ong·a ine aganan baksa Corporation-ni kam ka·anio A·dok Sorkarini maming jakdangdikpaani dongja ineba Pa Sangma aganaha.
“Da·omitingo Minister-ko ra·galna aganani aro ra·galani maming katta dongja, chinga report-na sengenga aro maidake re·mikkanggen, pilakkon nichenggen,” Chief Minister aganaha.
Matnanganirangko sandirokatchina sin·jetaniko man·a gimin, a·dok sorkari, ru·utgija somoirangna skango dolsa independent inquiry committee-ko songaha, jemangnan ja 3-na somoiko on·aha.
Sakgittam member commission-ko retired Allahabad High Court judge Ifaqat Ali Khan skotong ong·e dilgen, Manoj Kumar (retired IAS) administrative member ong·gen aro Sunil Kumar (retired executive director, Rural Electrification Corporation Ltd, REC) technical member ong·anggen.
Ge·songgimin Commission, April 1, 2010 oni March 31, 2021-ona kingking MeECL-o see rakkigiparangko sandianggen.
Saubhagya scheme-ni mamlako CM, CBI-chi sandirokatna nangnikjaenga
Date:
Share post:
