SHILLONG: Shillong, Happy Valley, Harish Parade Ground-o mejal Sonibar salo 58 Gorkha Training Centre-ni 190-gipa Recruit Training Batch-rang ‘Passing Out Parade’-ko ong·atangaha.
Ia Parade-o Indian Army-ni chadambe sipai dolrangko gisikni, be·en bimangni aro uamangni kamni gita bilak wa·sae kamko ka·na aro mikkangchi sipai dolo nape kamko ka·na okamanio, a·songna dingchike dangdike on·a kang·kari kaenggiparangna ka·dongatani chinko mesoke on·ani gitaba ong·pilaha.
Mejalo Recruit Training Batch-ni gita gamchatgipa Parade ba Marching-ko ong·atao, sak 130 kamna okamako man·giparang an·tangtangko on·kange a·songna, jatna kamko ka·na ‘kang·kari kaani bak gita ku·mikchetaniko’ dakangaha. Ia chadambe sipai dolrangko a·songna chel·chakchina ine da·o dingtang dingtang biaprangona ba battalion-rangona watatskagnok ineba koborna parakataha.
Indake ong·engon, 58 Gorkha Training Centre-ni Officiating Commandant, Colonel Vibhu Vashishtha, jean gitalgipa chadambe sipai dolrangko uamangni a·songna chel·chakna miksonganio a·songni nambatgipa sipai ong·na gita ku·mikchete ra·ani gimin de·mttelaniko on·angjolaha.
Boksisrangko on·ani somoio, Recruit Ashish Roka-na 5 GR (FF)-ni gita kamna okamanio daka-rikanio nambatgipa ong·anina award-ko on·angaha aro uandake, Recruit Rahul Singh Dhami-na 8 GR-ni nambatgipa ong·anina boksisko on·angskaaha ineba Def PRO, Shillong-ni Wg Cdr Ratnakar Singh koboro janapataha.
