SHILLONG: MDA Sorkarini kamo Opposition dilgipa jaksikna nangja, ian dilgipani kam ong·ja, gipin kamo jaksikana batede doltangni jakkon name nirikskabo ine NPP State President aro Rajya Sabha MP, WR Kharlukhi, Congress dilgipa Dr Mukul Sangmani kosako matnange aganaha.
MDA-o bakrimgipa dolrang, nipiltaianiko dakna nanga aro kam ka·anirango tik ong·ja baksana cha·boke cha·ani giminba matnangarangni ong·engani gimin MDA-ni dilgiparangko dingtangate nina nanga ine Opposition dilgipa Dr Mukul Sangmani agangipana aganchakatengon, “Dilgipani bidingo MDA, Dr Mukul-ni skianiko nangja, party dilgiparangni a·selan re·anggipa election-o uni party-ni sirikaniko pilakan ma·sitoka” ine Kharlukhi aganaha.
MDA-ni kamrango mamingkoba jaksikpajachina gita NPP dilgipa, Pa Sangma aganaha. “Sorkarini chu·sokatna man·gijagipa kamrangni giminde ua aganna man·a,” Kharlukhi agandapaha.
Unomitingo adita Congress legislator-rang, nambata cholko am·na gita uamangko grongeahachim ineba MDA baksa bakrimgipa mitam dolrangoni aganahachim.
