TURA: Muga Eri Silkworm Seed Organisation (MESSO), Central Silk Board-ni P4 Unit-ni gita bang·gija salrangna skang, uamangni Tura campus-o mingsa Livelihood Improvement Programme-ko Muga jilgiparangna ong·atangaha.
West Garo Hills aro South West Garo Hills district-ni ning·ogipa Jengjal aro Okkapara jolrango Muga jile cha·giparangna didianiko on·na aroba uamangni janggi tanganina dakchakaniko on·na gita miksongani gnang ina progamko ong·atangaha.
Indake uamangni changa sapaniko jakkalenba Muga-rangko jile cha·china didianiko on·nan baksana NEHU-ni gitaba uamangna dakchakaniko on·gen ine NEHU Pro VC, Dr G Singaiah, mongsonggipa sokgipa ong·e ka·dongatani kattarangko aganaha.
Muga jile cha·anio centre programrangoniko dakchakaniko ra·china aro Muga jile cha·aniko watgaljachina gitaba Incubation Center, NEHU, Tura-ni noda officer Dr R Sasikumar didianiko on·aha.
