SSHILLONG: Meghalaya a·dokna Inner Line Permit-ko Ma·mong on·jaskal aro uamangni dabiako knachakjaskal uamang dontongjawa ine ‘‘No ILP, no rest”, ine CoMSO chairman Robertjune Kharjahrin aganaha.
Union Home Minister Amit Shah-ni a·dokona July 24-o re·bana sal manchi-engani uni re·bana skang-mangmango CoMSO-ni dilgipa aganaha.
ILP-ko dabigipa dolrang, ILP-na a·dokni ru·utbea salrangoni dabiani bidingo Union Home Minister-oniko bon·kamgipa kattako ka·oksie seng·enga.
“ILP-ko ra·gatna NGO-rang ba a·dokni mande-rangsan krengaija indiba iani bidingo Meghalaya Legislative Assembly-ba resolution-ko pass ka·aha iako aganengon ma·mong sorkari chingna ILP-ko on·jaskal chinga dontongjawa, Chingni krenganiko rongtalen parakenga, Kharjahrin aganaha.
Ua mamlako chanchigrikna Union Home Minister baksa agangrikna CoMSO bi·manaha indiba grongna man·genba man·jawa ma·sikujaenga, Kharjahrin aganaha.
“Chinga uko (Shah)-ko grongna aro agangrikna tarienga,’’ Union Minister-ko grongna man·ahaode uan ramramari ong·jawaha. “Chingna chu·onga gita somaiko on·a nanggnok maina indakgipa mongsonggipa mamlako minit 10-15-o chanchigrikna man·jawa,’’ ua aganaha.
ILP-na dabiani bidingo Assam Chief Minister aro North East Democratic Alliance (NEDA)-ni dilgipa Himatan Biswa Sarma-ko grongna jotton ka·gen, Kharjahrin aganaha.
“Meghalaya-o ILP-ko ra·gatani gimin Assam jegalenga iana jangbingbangenga. Chinga un baksa mamlako chanchigrikna nangnikenga,’’ ua aganaha.
Get real time updates directly on your device, subscribe now.
Prev Post
Comments are closed.