Amit Shah, NE-ni pilak CM, DGP, CS-rang baksa agangrikanggen

New Delhi: (PTI) Ma·mong Home Minister Amit Shah, July 24 tariko Shillongona re·bao Salgro Salaram a·dok gimikni Chief Minister, Chief Secretary aro DGP-rangko grongenba a·jolni pilak niam ainni obsotarangni bidingo aroba COVID-19 sabisini obostarangni bidingo chanchirimanggen.
July 24-25 tarikrango salgnina Shillongona wenbaani somoio, Home Minister Amit Shah, damsa cryogenic oxygen plant-ko oprake on·anggen, Shil-longo donggipa Assam Rifles-ni headquarter-na wenanggen aro Guwahatio mingsa tom·anioba bakko ra·anggen. Home Ministry official saksani parakatani gitade, Home minister, Sonibaro North Eastern Space Applications Centre (NESAC)-o tom·anio chanchidilgen aro space science aro technology centre-o kam ka·anirangko nipilanggen.
Amit Shah baksa, Ma·mongni Minister for Science aro Technology aro Space Jitendra Singh aroba Minister for Development of the North Eastern Region (DoNER) G Kishan Reddy mangba re·bachapgen. Unomitingo, Indian Space Research Organisation-ni Chairman aro Department of Space Secretary, K Sivan, jean NESAC governing council-niba chairman ong·enga, uaba tom·anio dongpanaba donga.

Get real time updates directly on your device, subscribe now.

Comments are closed.