AMPATI: Corporate Social Responsibility (CSR)-ni bak gita Centre for Cellular & Molecular Platforms (C-CAMP)-ni on·gilatgipa ge 50 oxygen cylinder-rangko Bristibar salo, Ampati Civil Hospital man·soaha.
Ia oxygen cylinder-rangko Bristibar salo, Ampati Civil Hospital-ni Medical Superintendent Dr JS Momin aro uni dol ra·chaksoaha.
COVID-19-ni giproroaniko warachakna aro gittamgipa changna COVID-ni giproroaniko champengsona gita South West Garo Hills a·jani district administration, sorkari aro private company-rang baksa kamko ka·engon, C-CAMP-ba a·songni dingtang dingtang biaprango, hospital-rango jakkalna nanggipa ma·manti bosturangko on·e dakchakskaengachim ine nikna man·a.
Ia oxygen cylinder-rangko Ampati-ona sokate on·na gita Rhenus Logistics, C-CAMP-na dakchake on·skaaha ine kobor on·aha.
Ia C-CAMP-ara Union Science & Technology Ministry-ni Biotechnology Department, NITI Aayog-AIM, Union Electronics & Information Technology Ministry aro Karnataka sorkarini IT, BT S&T Department-ni dakchake on·enggipa dol ong·a aro ian India a·songo dal·batsranggipa company-rangoni ge·sa ong·enga.
