SHILLONG: Bristibar saloni Sukrobar salona konta 24-ni gisepo gimik sak 21 manderang, Meghalaya a·dokni dingtang dingtang biaprango COVID-19 man·e siangtaiaha aro ia apsan somoion sak 558 manderang COVID man·dapaha.
Sukrobar salo COVID-19 man·dapgipa sak 558 manderangko channe da·o Meghalaya a·dok gimiko COVID-19 man·e dongenggiparang gimik sak 4539 gapengaha aro ia apsan salon sak 21 COVID-19 man·e siangdaptaiahani gimin a·dok gimiko COVID man·e sianggiparangara gimik sak 1009 gapskaengaha.
Sukrobar salo positive ong·gipa sak 558 manderangoni sak 11-de East Garo Hills-o, sak 5-de East Jaintia Hills-o, sak 213-de East Khasi Hills-o, sak 7-de North Garo Hills-o, sak 52-de Ri Bhoi a·jao, sak 7-de South Garo Hills-o, sak 4-de South West Garo Hills-o, sak 35-de South West Khasi Hills-o, sak 85-de West Garo Hills-o, sak 24-de West Khasi Hills-o aro sak 115-de West Jaintia Hills a·jao ong·a.
Konta 24-ni gisepo COVID man·e sianggipa sak 21 manderangoni sak 12-de East Khasi Hills-o, sak 2-de West Garo Hills-o, sak 2-de West Jaintia Hills-o, sak 2-de West Khasi Hills-o, sak 1-de Ri Bhoi a·jao, sak 1-de South Garo Hills-o aro sak 1-de South West Garo Hills a·jao ong·a. Meghalayao COVID man·e sianggiparang sak 1,009 gapangaha.
Ia apsan salon gimik sak 411 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 54,356 gapskaengaha.
Meghalaya a·doko COVID sabisiko man·giparang mijalona sak 59,904 gapaha, uamangoni sak 54,356 manderang sabisioni nampilaha, sak 1,009 manderang sabisio siangaha, COVID sae donggiparang da·o sak 4,539 gapangtaiengaha.
