Shillong: (PTI) Ma·-mongni Home Minister Amit Shah, northeaster ba salgro-salaram a·jolni damdok a·dokrangni Chief Minister-rang baksa inter-state border ba sima arini bidinog aro COVID-19 sabisi batrikrikengani bi-dingo agangrikangaha. Meghalaya, Assam, Arunachal Pradesh, Tripura, Nagaland, Manipur, Mizoram aro Sikkim-ni Chief Minister, Chief Secretary aro police chief-rang Union Home Minister baksa Shillong State Convention Centre Pinewood Hotel-o tom·anio bak ra·tokaha. Indake tom·anio Shah-na adita ru·uta bilsirangonin sima ario meligrikgijani bidingo u·iate on·aha. Unbaksana dingtang dingtang a·dokrango Covid-ni obostako u·iate on·aha.
Northeastern-ni bang·a a·dokrangon inter-state border-o golmal ong·ani donga. Assam aro Mizoram-ni gisepo sima ario meligrikgijaniko batang-gimin ru·uta bilsirangoni nikna man·enga. Indake ong·engon mitam northeastern a·dokrango covid sabisi batrikrikenga.
Shillong Airport-o Amit Shah-ko Meghalaya-ni Chief Minister Conrad K Sangma aro Union Minister Jitendra Singh-uamang rimchaksoaha. Airport-oni joljol NESSAC-ona re·angaha, uni ja·man Mawiong-o ISBT terminal-ko a·bachengate on·aha. Aro New Shillong Township-o cryogenic oxygen plant-ko oprakate on·aha. Indake Robibar salo Shah, Sohra-ona re·ange afforestation project-ko aro Greater Sohra Water Supply Scheme-ko a·ba-chengate on·gen aro Ramakrishna Mission Ashram-ona re·anggen.
