TURA: Robibar pringo bilsi 27 ong·gipa mande saksani mata bu·a gnanggipa manggisiko North Garo Hills a·jani police-rang, Mendal-oniko man·aha.
Koborko on·ani gitade, Emrel Rabha minggipa mandeni depante Daniel Sangma-ni sigimin manggisi, Mendal ramao donggipa uni noko dongenga ine songni manderang Bajengdoba police station-ona kobor on·atani ja·man, police-rang ua biapona re·bae, ia mandeni manggisiko man·eaha aro ja·mano uko post mortem ka·na gita Mendal PHC-ona watataha.
Ia mandeko so·ote galani bidingo police-rang ning·tue sandina a·bachengataha ineba kobor on·aha.
Ia mandeni manggisio mata bu·ani chinrang bang·ani gimin ia mandeko so·otakon ine police-rang chanchichipenga.