TURA: India a·songni salgro salaram jolo dingtang dingtang a·dokrang, Assam a·dok baksa sima jolrango meligrikna man·tokjaengani gimin, mikkangchi a·dok damsa damgipinni kosako dinggrikanirang aro so·sojengjeng ong·anirang dongtaijana gita ta·raken dakchakanirangko on·atchina Meghalaya Pradesh Youth Congress (MPYC) baksana Arunachal Pradesh, Manipur, Mizoram, Nagaland aro Tripura a·dokrangni youth Congress dolrang, a·songni Prime Minister Narendra Modi-na sedoataha.
“Adita salrangna skang, Mizoram a·dok ning·o Assam police aro Mizoram police-rang gogrikanichi baditaba sak manderang siangna gita nangaha aro bang·a manderangan saknaanirangko man·na gita nangaha. Iana agreba, Assam-Meghalaya, Assam-Nagaland aro Assam-Arunachal Pradesh a·dokrangni sima jolrangoba apsan daken meligrikna man·jaenganichi dinggrikanirangko aro so·sojengjeng ong·anirangko nikna man·rongengani gimin ta·raken ja·kuko de·china chinga Prime Minister’s Office (PMO) aro Home Affairs Ministry-ko didiatenga,” ine MPYC aro gipin Youth Congress-rang parakataha.
Mikkangchi salgro salaram a·dokrangni gisepo meli nangrimaniko aro tom·tomaniko ra·bapilna man·na gita dingtang dingtang dolrang baksa North Eastern Regions (Reorganisation) Act 1971-ko nipiltaienba, nanga gita ja·kurangko de·na nanga ineba Youth Congress-rang, a·songni Prime Minister-ko didiataha.
NE-o Assam baksa meligrikna man·tokjaengani gimin MPYC, PM-na sedoata
Date:
Share post:
