TURA: Meghalaya a·doko salantian COVID man·e sianirang batroroengon, Bristibar salo West Garo Hills-oba me·chik sakgniko man·chape gimik sakgittam manderang COVID man·e siangtaiaha.
Jengjal jolo donggipa Baljek songo bilsi 56 ong·gipa me·chik saksa aro Tura-ni samba jolo donggipa Chasingre jolo bilsi 75 ong·gipa butchuma saksa COVID man·e siangna gita nangaha.
Edenbari jolo donggipa Pagugre songoba bilsi 37 ong·gipa me·asa saksa ia apsan salon COVID man·e siangna gita nangaha.
Baljek aro Edenbari jolni me·chik sakgni Tura Civil Hospital-o siangaha indiba Chasingre jolni me·asa saksade noktangon siangaha.
Indake ong·engon, Bristibar salo sak 56 manderang West Garo Hills a·jani dingtang dingtang biaprango COVID-19 man·dapaha aro uandaken da·o West Garo Hills a·jao COVID man·e dongenggiparang gimik sak 728 gapengaha ine kobor on·aha.
