SHILLONG: Shillong Jaiaw-o donggipa Dr. Gordon H. Robert Hospital ning·o Butbar attamchibarao denggu manderang medical representative-rangko dokaha.
Hospital-ni Medical Superintendent, Dr. R. Nongrum-ni aganani gitade, Police-ni, Bristibar pringo re·baosa hospital authority-rang, a·sel ong·aniko man·sina gita man·aha.
Uni aganani gitade, doka man·gipa medical representative-rang FIR ka·aha ine police, una u·iatahachim.
Ian skanggipa changna Hospitalo a·sel ong·ani ong·ja, unaskangoba, denggu manderang hospitalo nokrik nokdakgipa hajira ka·gipa gipin jat manderangko dokaha ineba Dr. Nongrum aganaha.
