SHILLONG: Meghalaya a·doko mijal Sonibar salni bako saksni manderang COVID-19 sabisiko man·esiangtaiaha, indake uamang baksade covid sabisio mande sia a·doko gimikchide sak 1,154 gapangaha.
Indake ia apsan salon sak 524 manderang COVID sabisi man·daptaiaha aro sak 709 manderang Covid-oni nampilskaaha.
Mijal salni bako sak 524 Covid man·dapgiparangoni sak 271 East Khasi Hills-oni, sak 63 West Garo Hills-oni, sak 55 Ri-Bhoioni, sak 53 West Jaintia Hills-oni, sak 50 West Khasi Hills-oni, sak 8 South West Garo Hills-oni, sak 7 East Garo Hills-oni, sak 7 East Jaintia Hills-oni, sak 4 South Garo Hills-oni, sak 3 South West Khasi Hills-oni aro sak 3 North Garo Hills district-oni ong·a.
Unomitingo ia apsan somoini gisepon sak 709 manderang COVID sabisioni nampilskaaha, uamangoni sak 524 Covid man·dapgiparangoni sak 244 East Khasi Hills-oni, sak 136 Ri-Bhoioni, sak 86 West Garo Hills-oni, sak 67 West Jaintia Hills-oni, sak 63 West Khasi Hills-oni, sak 53 South West Khasi Hills-oni, sak 29 East Jaintia Hills-oni, sak 9 South West Garo Hills-oni, sak 9 East Garo Hills-oni, sak 7 South Garo Hills-oni aro sak 6 North Garo Hills district-oni ong·a.
Mijal salni bako saksni manderang COVID sabisio siangtaiaha, uamangoni East Khasi Hills district-o sakgittam, West Khasi Hills district-o sakgittam aro saksa East Garo Hills district-oni ong·a.
Meghalaya a·doko COVID sabisiko man·giparang mijalo gimikchi sak 68,631 gapaha, uamangoni sak 62,154 manderang sabisioni nampilaha, sak 1,154 manderang sabisio uamangni janggirangko gimaataha, Covid sagiparang a·doko da·o sak 5,323 dongengkua.
