SHILLONG: Sombar salo, Chief Minister’s E-Championship 2020-ni graduation ceremony aro 2021 bilsini Cohort-2 batch-na boarding ceremony-ko ong·atanio Meghalaya a·dokni Chief Minister Conrad K Sangma-ba dongpae bak ra·angaha aro ia tom·anio ua jinmana aganprakangengon, a·doko bading chiwalani kamrangko tang·doatna aro bading chiwalgiparangna dakchakanirangko on·na gita a·dok sorkari ia Promotion & Incubation of Market Driven Entreprise (PRIME) program-ko ra·gataha ine parakangaha.
“Meghalaya a·doko bading chiwalaniko tang·doatna aro bading chiwale cha·enggiparangna cholrangko on·na nangenga ine nike sorkari, ia PRIME program-ko a·bachengataha,” ine Chief Minister aganaha.
A·doko bading chiwalgiparangni kamrangko ka·anio dingtang dingtang ra·biani aro neng·nikanirangko mikkangpana man·na gita sorkari, ia PRIME program-chi bading chiwalgiparangna dakchakanirangko on·enga ineba Chief Minister parakataha.
1990 bilsirangni bon·angachibara an·tangni IT-ni kamrango bading chiwalgipani kamrangko ka·e nikani gimin toe aganangengon, ua an·tangan bading chiwalanirango neng·nikanirangko chagronggimin mande ong·e a·doko bading chiwalani kamrangko tang·doatna didianiko man·aha ine Sangma parakataha.
Bading chiwalani kamrangko ka·e cha·engon, kamtangtango gisik nanggiparang ong·china aro je kamko ka·engoba miksongani gnang kamrangko ka·china gita a·dokni Chief Minister, chadambe bading chiwalgiparangko didiangaha.
Ia program-ko ong·atanio a·dokni Chief Minister, dingtangmancha PRIME-ni bilsini lekka aro ID-ko oprake on·angan baksana program-o bak ra·gipa chadambe bading chiwalgiparangna cheque aro certificate-rangkoba suale on·angjolaha. Sak 25 bading chiwalgiparangna Cohort-2 2021 batch certificate baksana gong lak 1-chi cheque-rangko aro gipin sak 25 bading chiwalgiparangna gong 50,000-ni cheque-rangko on·angskaaha.
A·doko bading chiwalgiparangna PRIME program-chi sorkari dakchakenga ine CM paraka
Date:
Share post:
