SHILLONG: Khasi Jaintia Christian Leaders Forum (KJCLF), a·doko so·sojengjeng ong·enggipa obostarangna suk ong·gijaniko parakan baksa tom·tomaniko ra·bapilna ine Secretary KJCLF Rev EH Kharkongor ku·monganiko on·aha.
Re·anggipa August 13 tariko ong·anggipa a·selrangna chinga suk ong·chakja, jeon HNLC bobil dolni gitcham general secretary Cheristerfield Thangkhiew, chel·chakgipa dolni jako so·otako man·aha. Ia a·selko nike songdonggipa manderang niamko jakkepgipa aro sason ka·gipa dolni kosako ka·dongna man·anirang olgrokangaha, unigimin duko ga·akgipa nokdangni manderangna chingni kalimpaaniko parakatan baksa, sorkarini gita je kamrangko dakna daito ong·engachim uko maming cha·chipilani gri seng·gnange chu·sokatchina, mol·molaha aroba tom·tomaniko ra·bapilna gita, sorkariko man·chape, dingtang dingtang gilja aro dolni dilgiparang, Headman-rangko, ma·gipa aro chadambe dolrangko apsan meli kam ka·na ineba KJCLF ku·mongataha.COVID sabisi sajinmani a·sel manderang namen neng·nikani man·engmitingo indakgipa so·sojengjeng ong·aniko chagrongtaina nangode neng·nikbatani ong·gen inenba Forum janapaha.
