TURA: Re·anggipa Sombar walo, Tura Lower Mission Compound-oni adasa sakgniko mande saksa attechi chadrapaha ine kobor on·aha.
Kobor on·timgiparangni u·iatani gitade, Sombar walni 11:20 bajimango Lower Mission Compound-ni Luengchang Ch Momin aro Twengchang Ch Momin-ko Upper Chandmary-oni saksa Amberd Momin minggipa mande, attechi chadrapaha aro attechi chadrapako man·e adasa sakgnioni saksade bilongkale mata bu·ako man·aha.
“Lower Mission Compound-ni adasa sakgniko ia mande, Ringre-o attechi chadrapaha aro chadrapako man·e adasa sakgnioni Twengchang-kode bilongkale mata bu·ako man·ahani gimin hospital-ona rimangaha,” ine Tura-ni police official-rang parakataha.
Ia a·sel ong·ani ja·mano police-rang, dos dakgipa mandeko rim·aha ineba kobor on·aha.
Indake ong·engon, West Garo Hills a·jani Phulbari joloba bilsi 28 ong·gipa mande saksa, matsramgipa bostuchi chadrapako man·e siangna gita nangaha ine kobor on·aha.
Kobor on·ani gitade, Rajpur songoni bilsi 28 ong·gipa Khusur Alom-ko Sonibar walo, saksa Sobidur Islam Sk minggipa mande, matsramgipa bostuchi chadrapaha aro chadrapako man·e ua siangna gita nangaha.
A·sel ong·ani bakan ia mandeko Phulbari hospital-ona ra·angahachim indiba hospital-ona sokangon uko siaha ine doctor-rang parakataha.
