TURA: Sombar salo a·dokni Chief Minister Conrad K Sangma, North Garo Hills a·jani Gokol songo tom·aniko ong·atangenba, game ge·e cha·gipa manderangni kamrangko namdapatna gita dingtang dingtang producers group-rang baksa agangrikangaha.
Ia tom·anio a·dokni Chief Minister, North Garo Hills a·jani game ge·e cha·giparangna aro bading chiwalgiparangna aganprakangengon, game ge·e cha·giparangna dingtangmancha dakchakaniko on·na gita sorkari gong kror 200 tangkarangko producers group-rangna chame donaha aro skanggipa bako gong kror 40 tangkarangko dingtang dingtang dolrangna on·angchenggen ine parakangaha.
Chief Minister-ni producers group-rangna dakchakaniko on·ani bak gita dingtangmancha sorkari, game ge·e cha·giparangna sudgri loan-rangko on·na miksongenga ineba Chief Minister parakataha.
September-ni 1 tariko Lok Sabha-ni gitcham Speaker PA Sangma sagini atchiani salko maniani bak gita Farmers’ Collectivisation for Upscaling Production & Marketing Systems (FOCUS) program-ko a·dokni dingtang dingtang biaprango ong·atanggen ine janapatengon, ia program-ko ong·atanioba dingtang dingtang producers group-rangna tangka paisani gita dakchakanirangko sorkari on·anggen ine Sangma parakataha.
Chief Minister-ni parakatani gitade, re·baenggipa jarangoba a·doko game ge·e cha·enggiparangoni bang·a manderangan ia scheme-ni namgnirangko man·angkugen.
Ia jolrango game ge·e cha·giparangko aro bading chiwalgiparangko dingtangmancha producers group-rangko bikote sorkarini on·enggipa namgnirangko ra·china gitaba ua didiangaha.
Ia tom·anio Chief Minister aro gipin dilgiparangni jakchi dingtang dingtang producers group-rangna tangka paisarangkoba suale on·angjolaha.
