SHILLONG: Ia sal somoirango so·sojengjeng ong·anirangna NPP-chi dilenggipa MDA sorkariko matnange aganrongengon, Congress sorkarini somoio mai dakgipa a·selrang ong·achim, uarangko tosusae nichengchina gita NPP-ni state president aro a·dokni Rajya Sabha MP WR Kharlukhi, Opposition dolni dilgipa Mukul Sangma-ko aganskaaha.
A·doko so·sojengjeng ong·anirangko namatna man·jaenga ine matnangenba, a·doko gital sorkariko rikani bidingo adita salrangna skangsan, Opposition dolni dilgipa aganahachim.
Iani bidingo kobor ra·timgipa manderang baksa agangrikengon, a·doko niam retirangko rakkiani bidingo agangenchimode Mukul Sangma an·tangan, an·tangni somoio kam ka·anirangko nichengna nanga ine WR Kharlukhi parakataha.
“Uni home minister aro chief minister ong·engmiting somoioba a·doko mai obostarang ong·aha an·ching pilakan ma·sia,” ine NPP-ni state president parakataha.
Ua bilona re·bapilna sikesa iandakgipa kattarangko skatang aganenga ineba Kharlukhi aganaha.
Da·o dipet MDA sorkario maming neng·nikanirang dongja aro sorkariko namen chalaina man·enga ine janapatengon, Lahkmen Rymbui saksa home minister ong·e kamtangko name ka·enga aro uni kam wataniko ra·chakani ba ra·chakgijanide chief minister-ni jakosa ong·aia ine Kharlukhi parakataha.
Batanggimin somoirango dingtang dingtang kamrangna MDA sorkariko matnanggiparangni bidingo sing·on, 2023 bilsini Assembly election-o MDA-ni chepiltaiani ba chegijanide manderangni skaniosa ong·aigen ine NPP-ni state president parakataha.
Meghalaya a·doko ong·anggipa obostarangko Taliban bobil dolni kamrang baksa tosusae aganahani gimin ua Congress dolni dilgipa Randeep Singh Surjewala-koba jegalataha aro iandakgipa kattarangko skatang aganna skang, mikkang ki·sang name nichengna nanga ine aganaha.
Cong-ni somoio ong·a obostarangko tosusae nichina Opp dilgipako NPP didia
Date:
Share post:
