SHILLONG: 19-South Shillong Constituency-ni BJP MLA Sanbor Shullai, uni Constituency-ni ning·donggipa dingtang dingtang dol ba organisation-rangna SUWP Scheme 2020-21-ni ning·o table aro chokkirangko mija August 22 tariko suale on·angaha, je dolrangan uamangni gittimrango COVID tikkarangko su·anio dangdike on·pahachim. Uamangko mittelpilani pal gita dake iarangko dakaha ineba Sanbor Shullai aganaha.
Tom·ani aro meli-nangrimanichisan an·chingni a·dokna silroroaniko ra·bagen ineba Shullai aganaha. Uni constituency-ni ning·o an·tangtangko on·kange dangdike on·gipa dingtang dingtang dolrangko ua mikkangchiba dakchakskaaniko on·angkugen ine ua aganaha.
