SHILLONG: Mongolbar saloni Budbar salona konta 24-ni gisepo Meghalaya a·dok gimiko sak 7 manderang COVID-19 man·e siangtaiaha aro apsan salon sak 354 manderang a·doko COVID man·dapskaaha.
Konta 24-ni gisepo COVID-19 man·dapgipa sak 354 manderangko channe da·o Meghalaya a·dok gimiko COVID-19 man·e dongenggiparang gimik sak 2815 gapengaha aro ia apsan salon mande sak 7 COVID-19 man·e siangdaptaiahani gimin a·dok gimiko COVID man·e sianggiparangara gimik sak 1292 gapskaengaha.
Konta 24-ni gisepo COVID man·gipa sak 354 manderangoni sak 2-de East Jaintia Hills-o, sak 241-de East Khasi Hills-o, sak 3-de North Garo Hills-o, sak 45-de Ri Bhoi a·jao, sak 1-de South Garo Hills-o, sak 5-de South West Khasi Hills-o, sak 14-de West Garo Hills-o, sak 27-de West Khasi Hills-o aro sak 16-de West Jaintia Hills a·jao ong·a.
Salsani gisepo COVID man·e sianggipa sak 7 manderangoni sak 2-de East Khasi Hills-o, sak 2-de Ri Bhoi-o, sak 1-de South West Khasi Hills-o aro sak 2-de West Jaintia Hills a·jao ong·a.
Ia apsan salon gimik sak 352 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 70,479 gapskaengaha.