TURA: West Khasi Hills a·jani Aradonga jolrango songdongenggipa manderangni namgnina kamko ka·na gita Association for Democracy & Empowerment (ADE) Aradonga regional unit-ko songaha ine ADE Apex committee-ni president Dalseng Bira Ch Momin u·iataha.
ADE Aradonga regional unit-ko dilna gita seokako man·gipa manderangara, president-na Nikseng K Marak, vice president-na Himan Marak, general secretary-na Aneng J Marak, assistant general secretary-na Chegan J Sangma, chief organising secretary-na Equil J Sangma, finance secretary-na Garner K Marak, publicity secretary-na Tamerush J Sangma, sports & cultural secretary-na Amu M Marak, environment secretary-na Sylbestar A Sangma, education secretary-na Tereng J Sangma, public grievances secretary-na Sengsan Marak aro adviser-na Brilliant Sangma ong·a. Iana agreba ADE-ni regional unit-na gipin sak 22 manderangko executive membor dake songe donangaha ine u·iataha.