TURA: India a·songo tol·e tarigipa COVID tikarangko man·a ine koborrangko on·ani ja·man Meghalaya a·dokode Cold Chain System-ko jakkalesa tikarangko done rakkiengani gimin da·o dipet tol·e tarigipa tikarangko su·a dongkuja ine Meghalaya sorkarini pal, Health & Family Welfare department talataniko on·angaha.
National Health Mission-ni Mission Director Ramkumar S-ni u·iatani gitade, COVID tikarangko man·chape pilak samrangkon Meghalaya a·dokona sorkarini tik ka·gimin sam dokkanrangoniko ba sam tarigiparangonikon official-rangni nitimaniosa ra·baenga aro ja·mano ia tikarangko Cold Chain Point-rangona sualate, joljol dingtang dingtang a·jani tika su·chakgipa biaprangona ra·angskaenga.
Apsan somoion ia tikarangko Electronic Vaccine Intelligence Network (e-VIN) system-chi nirikkienga aro ian tikani dingtangmanchagipa batch nombor-rangni giminba u·iataniko on·skaenga ine Mission Director talatangaha.
“Meghalaya a·doko man·enggipa pilak tikarangan asol ong·a ine chinga manderangna ku·rachakaniko on·enga aro darangba ia tikarangni gimin ong·gija chanchisretjachina mol·molenga. Tikarangko sorkarini COVID vaccination centre-rango ba sorkarini tik ka·e on·gipa private hospital-rango su·e ra·china gitaba ku·pattienga,” ine National Health Mission-ni Director parakataha.
An·tangtangni sepangbatgipa tika su·chakram biaprangko sandina gita www.cowin.gov.in website-
Tikarangni bidingo tol·e jangbingbangatjachina aro tol·e jangbingbanganirangko skatang bebera·jachina gitaba sorkari, manderangko didiataha.