SHILLONG: Nongstoin-o me·chik sakgniko so·otanio mongsonggipa jak donggipa mandeko rim·aha ine West Khasi Hills-ni police official-rang u·iataha.
Koborna u·iatani gita, dosi dakgipa mandeni dongchakram, East Khasi Hills, Shillong songjinmani Nongrim Hills-oniko sakki gnanggipa bosturangko ra·sekaha aroba a·selrangko sandiangkuenga ineba official-rang u·iataha.
Re·anggipa Sombaro, West Khasi Hills-ni Nongstoin-o mechik sakgni Phlesis Syiem (79) aro uni noko cha·parikgipa Tiehsaw-ni Maitlynti Lyngdoh Marshillong (25) mangko so·ote galahachim.
Noksulrangni aganani gitade, walni 11 bajimango ma·sina man·gijagipa mande covid protocol-ko chol ra·enba mask gane, me·chikni nokona re·ange nok nokgipa aro uni noko cha·parikgipa me·chikkoba so·ote galangahachim.
