SHILLONG: Meghalaya Pradesh Congress Committee, niksenggipa Congress-ni W.H.D Syngkon-ni August 30 2021-o NEIGRIH-MS-o rang·gittik sianga-nina duk ong·ani kalim-paani kattarangko janapat-aha.
Syngkon sagini nama gunrangni gimin agan-engon, ua Meghalaya-o Congress-ni gitchambe-gipa membor saksa ong·a Meghalaya High Court Bar Association-ni a·gipibat-gipa ong·a ine aganaha.
Congress baksa uni ru·ute bakrimanio Syngkon sagi Congress-ni President, 18-Mawkhar Constituency, President, Shillong City Congress Committee-ni, General Secretaryo Meghalaya PCC & Chairman of Party’s Legal Department-niba ong·aha.
Uni siani somaio ua MPCC Disciplinary Committee-ni Chairman ong·achim, ua darangba maming namgijaniko on·gija kena ba namnikgijani gri namen daitoko ra·e uni dakgni-rangko ua ka·angaha. Ua saksa sakgipin baksa sakanti namen meligipa aro ka·dingsmitani mikkang baksa pangnan uni kam-rangko ka·angaha, MPCC aganaha. Syngkon-ni sianichi dal·bea gimaani ong·gnok uni janggi jringjrotna neng·takchina aro ka·begipa nokdangna ka·dimeaniko on·china MPCC memborrang bi·a.
