Smart City-na kam ka·chakata

SHILLONG:  Smart City project-ni ning·o songjin-marangoni damsako nam-roro-silroroatna Shillong seokako man·aha, Smart City-ni project-ni ning·o komibeoba ge·gni project-rangko bon·kame kam ka·engaha.
Shillong Smart City Limited-ko songahachim 2018 June jao Smart City Project-o a·dokni skotong chapatako man·ahachim.
Shillong Smart City Limited website-o Polo commercial complex-ko rikna kam ka·chakatako aro  2020 November-oni kam ka·anirangko mesokataha.
Website-ni gita, project-ni  contractor M/s Badri Rai & Co. aro re·baenggipa bilsini November-o project-ko matchotna ka·dong-soengaha.
Commercial complex, gadang dok donggen.  Minggipin project jeon Municipal Market-ko namdapattaina rikchakat-aha aro Shillong Laitum-khrah-o parking lot-ko rikenga.
Re·anggipa bilsini August jaoni rikna a·bacheng-aha aro contractor-ni biming  M/s Collinstar Sawkmie aro M/s Shrolen-son Marbaniang (JV) ong·a. Project-ko August 2022-o matchotatna ka·dong-soenga.
Smart city project-ni ning·o, a·dok sorkari smart road-ni km 6-ko rikna a·dok sorkari miksongenga maina polot project Smart Shillong project-ni ning·p Shillong-ni dam 16 biap-rango ong·a.   Rama pilot project-ko chu·sokatna km 25-ona bakrobatatgen.
Smart road project gong kror  36 PWD (National Highway-ni ong·a.
Minggipin, sorkari gong kror 23-ni Shillong-ni bang·a biaprango  rainwater harvesting system-rangko rikgen jenan ia bilsi a·bachengao tender on·aha.