SHILLONG/TURA: Meghalaya a·dokni dingtang dingtang biaprangoba Skigiparangni salko Sombar salo maniangtokaha. Ia bilsio Teachers Day ba Skiparangni sal Robibar salo ga·akani gimin ia salko bang·bata biaprangon Sombar salo maniangskaaha.
Ia bilsio chang 60-gipa Skigiparangni salko state level-oba dingtangmancha Shillong songjinmani Meghalaya Bharat Scouts & Guides State Headquarters-ni ning·o donggipa Auditorium hall-o maniangaha aro ia salko manianio a·dokni Education Minister Lahkmen Rymbui, mongsonggipa sokgipa ong·e bakko ra·angaha.
Ia salko manianio a·dokni Education Minister, jinmana aganprakangengon, COVID-19 giproroengmiting somoirangoba chatro chatrirangna a·gilsakni seng·aniko on·na rakbee kamrangko ka·engani gimin a·dokni skigiparangko mittelpilangaha. Classroom-rango skie on·ani ja·man internet gita chatro chatrirangna skie on·aniara altua kam ong·ja ine janapatengon, skigiparang rakbee kamrangko ka·engani a·selsa internet gita chatro chatrirangna skie on·anirangoba chu·sokgipa ong·enga ine Education Minister parakataha.
Skigiparang mitamde komibate dormaharangko man·engani a·sel aro mitamde somoi gita dormaharangko man·jaengani a·sel neng·nikanirangko chagrongna nangtokenga ine janapatengon, skigiparangni iandakgipa neng·nikanirangko chel·chakna sorkari rake kamko ka·enga ine Rymbui, gisik ra·ataniko on·angtaiaha.
Chatro chatrirangna skie on·anio dingtang dingtang cholrangko sandie skie on·ani bewalko namdapatchina gitaba Education Minister, a·dokni skigiparangko didiangaha.
Skigiparangni salko manianio a·dokni sak 13 skigiparangna dingtangmancha state award-rangko on·angaha aro ia state award-ko man·gipa skigiparangara, Shillong Laban Assamese Girls Higher Secondary School-ni vice principal T Seer, Iewrynghep Raid Ryngi Govt LP School-ni head teacher LS Syiemlieh, Nongstoin Khliehmawlieh Govt LP School-ni head teacher M Kharsyntiew, Mawkyrwat Nongmyllam Govt LP School-ni head teacher J Kharsyiemlieh, Jowai Public School-ni vice principal B Lyngdoh, Khliehriat Tluh Secondary School-ni assistant teacher MB Dkhar, Nongpoh Alpha English HS School-ni assistant teacher M Singh, Williamnagar Bolkinggre Deficit UP School-ni assistant teacher AS Marak, Bajengdoba HS School-ni principal FK Sangma, Dadenggre Puri Govt HS School-ni assistant teacher L Ch Marak, Rongkhon Govt LP School-ni assistant teacher HM Sangma, Garobadha HS School-ni principal BA Sangma aro Kapasipara Deficit UP School-ni headmaster SC Marak ong·a.
Ia skigiparangni salko manianio a·dokni sakgittam skigiparangna district award-rangko on·angskaaha aro uamangara, Secondary Section-o Shillong St Mary’s Higher Secondary School-ni assistant teacher LJ Syiem, Upper Primary Section-o Nongryngkoh Presbyterian UP School-ni headmaster E Kshiar aro Lower Primary Section-o Cherra Presbyterian LP School-ni head teacher AV Warjri ong·a.
Special award-rangko on·anio Special Inclusive School Award-ko Shillong-ni Jyoti Sroat School-ni teacher ME Khongwir-na, Best Scoutmaster award-ko Shillong Gorkha Patshala HS School-ni S Chettri-na aro Best Guide Captain-ko Laitumkhrah Assamese Secondary School-ni A Sohtun-na on·angskaaha.
Meghalaya School Improvement Program-ni ning·oba a·dokni dingtang dingtang skulrangna gadang gittam dake award-rangko on·angaha. Skanggipao, Implementation of School Improvement Plan award-ko Ri Bhoi a·jani Umroi Presbyterian HS School, West Garo Hills a·jani Garo Union HS School aro East Khasi Hills a·jani Mawngap District Christian Multipurpose HS School-na on·angaha.
Best Performance District Resource Groups award-ko East Khasi Hills, West Jaintia Hills aro West Garo Hills a·jana on·angskaaha.
Lockdown-ni somoio namgipa kamrangko mesokahani gimin dingtangmancha Best Innovative Measures for Continuous Learning award-koba Ri Bhoi a·jani Alpha English HS School, West Garo Hills a·jani St Xaviers HS School aro East Khasi Hills a·jani Mawkynrew-o donggipa Holy Cross HS School-na on·angaha.
Meghalaya a·dokni gipin biaprango gitan South Garo Hills a·jaoba chang 60-gipa Skigiparangni salko Baghmara-ni Rangku Memorial Girls Secondary School-o maniangaha aro ia salko manianio Baghmara-ni Extra Additional Commissioner (EAC) Tangchi Momin, mongsonggipa sokgipa ong·e jinmana aganprakengon, chatro chatrirangna a·gilsakni seng·aniko on·na gita an·tangtangko on·kange kam ka·engani gimin skigiparangko mittelpilangaha.
Skulrangko kulipiltaina gita sorkarini dongimin niamrangni gimin talataniko on·angengon, ia niamrangko ja·rikgenchimosa an·tangtangko ia sabisioniko naljoke rakkina man·gen ine Momin aganaha.
Ia salko manianio district award-ko man·gipa skigiparang, chong·motan Baghmara Govt HS School-ni assistant teacher Clerith M Sangma, Silkigre Govt UP School-ni headmaster Pradip Kumar Bhowmick aro Goldatgre Govt LP School-ni head teacher Devarlin M Sangma-naba ua an·tangni namgipa skanirangko parakangaha.
Indake ong·engon, ia chang 60-gipa Skigiparangni salko North Garo Hills a·jaoba Resubelpara Circuit House-o maniangaha aro ia manianio North Garo Hills a·jani Deputy Commissioner RP Marak, mongsonggipa sokgipa ong·e jinmana aganprakengon, ia salara dingtangmancha chadamberangko mande ong·atna an·tangtangko on·kange kam ka·gipa skigiparangko mittelpilskana dongimin sal ong·a ine parakangaha.
Skie on·ani a·bao dingtang dingtang award-rangko man·gipa skigiparangnaba ia salo ua dingtangmancha, mande ra·pilskaaniko dakangaha aro COVID-19 giproroengmiting somoirangoba chatro chatrirangna, internet gita a·gilsakni seng·aniko on·na kamrangko ka·ahani gimin ua skigiparangko mittelpilangaha.
Ia salko manianio North Garo Hills a·jani ADC ZJ Sangma-ba dongpae jinmana aganprakengon, COVID-19-ni tikako su·e ra·na nangchongmotani gimin jinmana talate on·angaha aro an·tangtangko naljoke rakkina man·na gita ia tikako su·e ra·china didiangaha.
North Garo Hills a·jaoba dingtangmancha skigipa sakgittamna district award-rangko on·angaha aro ia award-ko man·giparangara, Don Bosco Mendal-ni assistant teacher Dominic Marak, Bajengdoba Govt School-ni assistant teacher Maximus Kujur aro Wageasi Govt LP School-ni head teacher Prodipson Sangma ong·a.
Ia bilsio chang 60-gipa Skigiparangni salko state level-oba dingtangmancha Shillong songjinmani Meghalaya Bharat Scouts & Guides State Headquarters-ni ning·o donggipa Auditorium hall-o maniangaha aro ia salko manianio a·dokni Education Minister Lahkmen Rymbui, mongsonggipa sokgipa ong·e bakko ra·angaha.
Ia salko manianio a·dokni Education Minister, jinmana aganprakangengon, COVID-19 giproroengmiting somoirangoba chatro chatrirangna a·gilsakni seng·aniko on·na rakbee kamrangko ka·engani gimin a·dokni skigiparangko mittelpilangaha. Classroom-rango skie on·ani ja·man internet gita chatro chatrirangna skie on·aniara altua kam ong·ja ine janapatengon, skigiparang rakbee kamrangko ka·engani a·selsa internet gita chatro chatrirangna skie on·anirangoba chu·sokgipa ong·enga ine Education Minister parakataha.
Skigiparang mitamde komibate dormaharangko man·engani a·sel aro mitamde somoi gita dormaharangko man·jaengani a·sel neng·nikanirangko chagrongna nangtokenga ine janapatengon, skigiparangni iandakgipa neng·nikanirangko chel·chakna sorkari rake kamko ka·enga ine Rymbui, gisik ra·ataniko on·angtaiaha.
Chatro chatrirangna skie on·anio dingtang dingtang cholrangko sandie skie on·ani bewalko namdapatchina gitaba Education Minister, a·dokni skigiparangko didiangaha.
Skigiparangni salko manianio a·dokni sak 13 skigiparangna dingtangmancha state award-rangko on·angaha aro ia state award-ko man·gipa skigiparangara, Shillong Laban Assamese Girls Higher Secondary School-ni vice principal T Seer, Iewrynghep Raid Ryngi Govt LP School-ni head teacher LS Syiemlieh, Nongstoin Khliehmawlieh Govt LP School-ni head teacher M Kharsyntiew, Mawkyrwat Nongmyllam Govt LP School-ni head teacher J Kharsyiemlieh, Jowai Public School-ni vice principal B Lyngdoh, Khliehriat Tluh Secondary School-ni assistant teacher MB Dkhar, Nongpoh Alpha English HS School-ni assistant teacher M Singh, Williamnagar Bolkinggre Deficit UP School-ni assistant teacher AS Marak, Bajengdoba HS School-ni principal FK Sangma, Dadenggre Puri Govt HS School-ni assistant teacher L Ch Marak, Rongkhon Govt LP School-ni assistant teacher HM Sangma, Garobadha HS School-ni principal BA Sangma aro Kapasipara Deficit UP School-ni headmaster SC Marak ong·a.
Ia skigiparangni salko manianio a·dokni sakgittam skigiparangna district award-rangko on·angskaaha aro uamangara, Secondary Section-o Shillong St Mary’s Higher Secondary School-ni assistant teacher LJ Syiem, Upper Primary Section-o Nongryngkoh Presbyterian UP School-ni headmaster E Kshiar aro Lower Primary Section-o Cherra Presbyterian LP School-ni head teacher AV Warjri ong·a.
Special award-rangko on·anio Special Inclusive School Award-ko Shillong-ni Jyoti Sroat School-ni teacher ME Khongwir-na, Best Scoutmaster award-ko Shillong Gorkha Patshala HS School-ni S Chettri-na aro Best Guide Captain-ko Laitumkhrah Assamese Secondary School-ni A Sohtun-na on·angskaaha.
Meghalaya School Improvement Program-ni ning·oba a·dokni dingtang dingtang skulrangna gadang gittam dake award-rangko on·angaha. Skanggipao, Implementation of School Improvement Plan award-ko Ri Bhoi a·jani Umroi Presbyterian HS School, West Garo Hills a·jani Garo Union HS School aro East Khasi Hills a·jani Mawngap District Christian Multipurpose HS School-na on·angaha.
Best Performance District Resource Groups award-ko East Khasi Hills, West Jaintia Hills aro West Garo Hills a·jana on·angskaaha.
Lockdown-ni somoio namgipa kamrangko mesokahani gimin dingtangmancha Best Innovative Measures for Continuous Learning award-koba Ri Bhoi a·jani Alpha English HS School, West Garo Hills a·jani St Xaviers HS School aro East Khasi Hills a·jani Mawkynrew-o donggipa Holy Cross HS School-na on·angaha.
Meghalaya a·dokni gipin biaprango gitan South Garo Hills a·jaoba chang 60-gipa Skigiparangni salko Baghmara-ni Rangku Memorial Girls Secondary School-o maniangaha aro ia salko manianio Baghmara-ni Extra Additional Commissioner (EAC) Tangchi Momin, mongsonggipa sokgipa ong·e jinmana aganprakengon, chatro chatrirangna a·gilsakni seng·aniko on·na gita an·tangtangko on·kange kam ka·engani gimin skigiparangko mittelpilangaha.
Skulrangko kulipiltaina gita sorkarini dongimin niamrangni gimin talataniko on·angengon, ia niamrangko ja·rikgenchimosa an·tangtangko ia sabisioniko naljoke rakkina man·gen ine Momin aganaha.
Ia salko manianio district award-ko man·gipa skigiparang, chong·motan Baghmara Govt HS School-ni assistant teacher Clerith M Sangma, Silkigre Govt UP School-ni headmaster Pradip Kumar Bhowmick aro Goldatgre Govt LP School-ni head teacher Devarlin M Sangma-naba ua an·tangni namgipa skanirangko parakangaha.
Indake ong·engon, ia chang 60-gipa Skigiparangni salko North Garo Hills a·jaoba Resubelpara Circuit House-o maniangaha aro ia manianio North Garo Hills a·jani Deputy Commissioner RP Marak, mongsonggipa sokgipa ong·e jinmana aganprakengon, ia salara dingtangmancha chadamberangko mande ong·atna an·tangtangko on·kange kam ka·gipa skigiparangko mittelpilskana dongimin sal ong·a ine parakangaha.
Skie on·ani a·bao dingtang dingtang award-rangko man·gipa skigiparangnaba ia salo ua dingtangmancha, mande ra·pilskaaniko dakangaha aro COVID-19 giproroengmiting somoirangoba chatro chatrirangna, internet gita a·gilsakni seng·aniko on·na kamrangko ka·ahani gimin ua skigiparangko mittelpilangaha.
Ia salko manianio North Garo Hills a·jani ADC ZJ Sangma-ba dongpae jinmana aganprakengon, COVID-19-ni tikako su·e ra·na nangchongmotani gimin jinmana talate on·angaha aro an·tangtangko naljoke rakkina man·na gita ia tikako su·e ra·china didiangaha.
North Garo Hills a·jaoba dingtangmancha skigipa sakgittamna district award-rangko on·angaha aro ia award-ko man·giparangara, Don Bosco Mendal-ni assistant teacher Dominic Marak, Bajengdoba Govt School-ni assistant teacher Maximus Kujur aro Wageasi Govt LP School-ni head teacher Prodipson Sangma ong·a.