SHILLONG: Ia bilsini board aro university porikkarangko name pass ka·gipa, ramasamo dokkan dake cha·giparangni dedrangko Meghalaya and Greater Shillong Progressive Hawkers and Street Vendors Association (MGSPHSVA), Sombaro mandea·ani ba mittelpilaniko dakangaha.
COVID-19 sabisini a·sel dingtang dingtang sinjetanirangko man·genchimoba porikkaranngo name pass ka·kuani gimin, MGSPHSVA, skanggipa changna bi·sarangna mittelpilaniko dakna gita ja·ku ga·aha.
Organisation, Umsohsun Dorbar Shnong-ni community hall-o November 2020-oni March 2021-ni gisepo mingsa tuition clinic-ko ong·atna cholko man·aha .
Indake MGSPHSVA-ni indakgipa ja·kuko de·anichi, ramasamo dokkan dake cha·giparangni senggipa matgipa bi·sarangna, uamangni board aro university porikkarango chu·sokna gita dakchakbeani ong·aha.
Khusina M Marak aro Shumilin Rani mang, uamangni Bachelor of Computer Applications (BCA)-ko first division-o pass ka·angaha. Indake gipin sakbri, MBoSE-ni ong·atgipa SSLC porikkarango Celestine M Marak, Malveen Malngiang aro Payal Pau mang mathematics aro science subject-rango letter-rangko man·an baksa 75 percent marks-rangko man·e pass ka·angaha. Unomitingo Jasinta Sangma, 77 percent aro Merlin Pathaw mangba 68 % marks-rangko man·enba ia bilsini HSSLC porikkarango pass ka·angtokaha.
Iako ja·ku de·ani bidingo koborni manderangna aganengon, ramasamo dokka dake cha·giparangni dedrangni chu·sokanina manianiko dakengon, ian kusi ong·batsranggipa sal ong·a, jemangan uamangni poraianio chu·sokangtokaha ine tom·aniona okamako man·gipa MGSPHSV-ni membor, Angela Rangad aganaha.
‘‘Ian organisation-ni namgipa kam ong·a. Bilsi gimikna neng·skimaniko chagrongani ja·man ian nambatgipa kam ong·aha,’’ Rangad aganaha.
Dokkan dakgiparangni, porikkao chu·sokgipa dedrangko mandera·aniko daka
Date:
Share post:
